Project eSKwela (School Supplies Distribution)

Ang Project eSKwela (School Supplies Distribution) ay isa sa mga pangunahing programa ng Komite ng Edukasyon ng Sangguniang Kabataan ng Matandang Balara. Layunin nitong magbigay ng school supplies at iba pang mahahalagang kagamitang pang-eskwela sa mga kabataang Balara bilang paghahanda sa pagbubukas ng panibagong taong panuruan.

Isinagawa ang programang ito upang mabawasan ang pinansyal na pasanin ng mga magulang at matiyak na ang mga mag-aaral ay may sapat na kagamitang makatutulong sa kanilang pag-aaral. Sa taong ito, 400 na benepisyaryo na mag-aaral ang nabigyan ng school supplies na magsisilbing suporta sa kanilang pagkatuto at paghahanda sa bagong taon ng pag-aaral.

Sa pamamagitan ng proyektong ito, muling pinagtitibay ng Sangguniang Kabataan ng Matandang Balara ang kanilang pangako na isulong ang de-kalidad na edukasyon at patuloy na suportahan ang kapakanan at kinabukasan ng kabataang Balara.