PARA S.A.Y.O: Supportive Assistance for the Youth (by virtue of the IRR of RA 17768, Section 20)

Ang Para S.A.Y.O.: Supportive Assistance for the Youth, sa pangunguna ng Sangguniang Kabataan, ang pinakaunang institusyonalisadong scholarship program sa Barangay Matandang Balara. Layunin nitong matiyak na ang mga hamong pinansyal ay hindi maging hadlang sa pagkamit ng de-kalidad na edukasyon ng kabataan.

Sa loob ng tatlong magkakasunod na taon, sinuportahan ng programa ang 250 hanggang 350 student beneficiaries bawat taon sa loob ng dalawang magkasunod na semestre.

Sa pamamagitan ng pagbibigay ng tulong pinansyal para sa mga pangangailangang pang-edukasyon ng kabataan, transparent na pamamahala, at pakikipagtulungan sa komunidad, patuloy na isinusulong ng Sangguniang Kabataan ng Matandang Balara (SKMB) ang karapatan ng bawat kabataan sa inklusibong edukasyon. Hangarin ng SKMB na magsilbing inspirasyon at motibasyon ang ipinagkaloob na suporta upang higit pang pagbutihin ng mga benepisyaryo ang kanilang pag-aaral at patuloy na magsumikap upang maabot ang kanilang mga pangarap.

Sa patuloy na pagpapatupad ng mga programang nag-aambag sa pantay na oportunidad sa edukasyon, inaasahang mas marami pang kabataan ang mabibigyan ng pagkakataong makapagpatuloy sa kanilang pag-aaral at mahuhubog nang may sapat na kaalaman, kakayahan, at pananagutan sa lipunan upang maging mga aktibong katuwang sa pag-unlad ng komunidad.

See ParaSAYO 2024.
See ParaSAYO 2026.