Kaagapay Patungo sa Tagumpay (Tutorial and Review Center for Aspirants)

Bilang bahagi ng pagsusulong ng pantay na oportunidad sa edukasyon, inilunsad ang Kaagapay Patungo sa Tagumpay upang suportahan ang mga bagong nagsipagtapos na kabataan sa kanilang paghahanda para sa mga licensure examination. Sa pamamagitan ng pamamahagi ng mga review kit at iba pang kagamitang pang-akademiko, layunin ng programa na mabawasan ang ilan sa mga gastusing kaakibat ng paghahanda para sa board examination at mabigyan ang mga kalahok ng dagdag na suporta habang sila ay naghahanda para sa kanilang mga piniling propesyon. Sa tulong din ng iba’t ibang katuwang mula sa pribadong sektor, sinasagot din ng programa ang Board Examination Fee at nagbibigay ng Cash Incentives sa mga kabataang makapapasa sa kanilang licensure examinations.

Higit pa sa pagbibigay ng mga materyales, kinikilala ng programa ang kahalagahan ng pagsusulong ng edukasyon bilang daan tungo sa mas matatag na kinabukasan para sa kabataan. Sa ganitong paraan, naipamamalas ang patuloy na suporta ng Sangguniang Kabataan sa paglinang ng mga kabataang handang magtagumpay sa kanilang napiling larangan at makapag-ambag sa pag-unlad ng komunidad.

Year-round at bukas sa lahat ng kabataang Balara ang programang ito.